ӦЗТА СИСЬ

Ӧзта ӧти югыд сисьсӧ Енлы ме:
«Ветлысьяслы, Енмӧй, войнас бисӧ сет.
Шогсьысьяслысь дойсӧ, Енмӧй, лӧньӧд тэ.
Аскинас лэдз аддзывны мем шондісӧ...»

Кытчӧдз менам югыд сиськӧй ӧзъялас,
Кора, кора Енмыслысь дзик ставныслы,
Тыштӧм-вентӧм олӧм медым козьналас,
Медым сылас лёк, йӧз синъяс шаньмасны.

Вывсянь улӧ Енмыс менӧ видзӧдӧ,
Сетас, сетас, мый ме кори, ставныслы.
Олӧм лоас тышъястӧм да венъястӧм,
Сылас лёкыс, и йӧз синъяс шаньмасны.

Ӧзйӧ-ӧзйӧ лолам Енлӧн Биторйыс,
Олӧм помӧдз сьӧкыд туйӧс югзьӧдас.
Дышӧдчыны кадыс абу му вылас,
Видза тані енэжвывса кодзулӧс.

Ӧзта ӧти югыд сисьсӧ Енлы ме,
Видзӧда би вылас — сывдӧ шогсьӧмӧс.
Ӧзта ӧти югыд сисьсӧ Енлы ме:
«Енмӧй, кора, пыдди пукты кевмӧмӧс...»