ВРЕДНӦЙ АБОНЕНТ

Посни челядьлӧн кывйыс сэтшӧм муса! Кӧть быд шуӧм гижав! Тӧдтӧм кывъястӧ ас ногыс жӧ висьталасны.

Босьті телефон. Видлі звӧнитны. Ӧтчыдысь. Мӧдысь. Но аньлӧн «кӧрт» гӧлӧсыс дугдывтӧг ӧтисӧ лӧвтӧ.

Орччӧн пиӧй. Мыйтакӧ чӧв оліс, сэсся шуӧ: «А мыйла вреднӧй абонентыс недоступен?» Тані и менам руӧй кыптыштіс, кӧть эськӧ колана мортыс эз шыась.

Со кыдз! Эн дзебсясь матыссасьыд да ёртсьыд, мед тэнӧ кӧть кутшӧм здукӧ аддзасны. А лоан кӧ «временнӧ недоступен», нимыд тэныд — «вреднӧй абонент!»