ВУЗАСЬЫСЬЯС ЖӦ НИН!

Ёна бура миян Визин карын вузасьӧны. Нёль лавка эм — сӧмын ньӧбась дядьӧыд!..

Пырас дядьӧ лавкаад — табак ни, сакар ни, сола чери ни... коланджыкторйыс нинӧм абу.

Он на во Визинад, кывсьӧ нин сы йылысь. Ме тай та йылысь кызь верст сайсянь кывлі-а... Тыдалӧ, дядьӧыдлы ёна колӧны татшӧм тӧваръясыд.

Кыдз нӧ эськӧ миян вузасьысь организацияясыс та йылысь абу думыштӧмаӧсь, кыдз найӧ узьӧмаӧсь бур пӧрасӧ, кор вӧлі позьӧ Сыктылӧд быдторсӧ вайны?

Со ӧд тайӧ мый артмӧ, ёртъяс, тайӧ ӧд лоӧ купечлы отсасьӧм.

Абу кӧ колан тӧварыд, сідзкӧ ті тӧргуйтныд он кужӧй.

Государственнӧй вузасьысьлӧн да кооперативлӧн кӧ коланторъясыд абуӧсь, пондас ӧд кыптыны купеч.

Водзӧ кежлӧ энӧ узьӧй, гӧрд вузасьысьяс, унмовсяд кӧ — омӧль лоӧ.

В. Б.