* * *

Кор юмов кӧра кадыс юрам волӧ
И йӧртлӧ менӧ тывъяс — ёнсьыс-ён,
Сэк мунны гортысь окота мен лолӧ
Кӧть поездӧн, кӧть подӧн. Эскан он?

Эг нывбаба моз — олӧмӧс ме вуджи
Кыдз колип, кыдзи тӧвру, кыдзи шыш.
Но бур, мый челядь сэсся миян чужис
И ӧзынӧ ме доми ассьым пыж.

Тадз верӧслы да Енлы вӧлі колӧ.
И, чайта, налӧн вӧлі ӧти мӧвп:
Мед горт да потан бӧрйис ыръян лолӧй,
Кӧть радейта кузь туй да бордъя тӧв.