АНГЛИЯКӦД ЛӦСЬӦДЧӦМ
Англиякӧд лӧсьӧдчӧм ёна шеныштіс англияса озыр йӧзӧс. Найӧ быд ногӧн кутлісны дзугны миянлысь Англиякӧд сёрни. Неважӧн весиг орӧдлісны кык лун кежлӧ сёрнитӧмсӧ, сӧмын уджалысь йӧзыс ёна пондісны шуасьны, пинясьны та вӧсна, сы понда лои бӧр панны сёрни да мунны уступкаяс вылӧ. Ӧні лӧсьӧдчӧм (
Тайӧ лӧсьӧдчӧмӧн миянлы кокньыдджык лоӧ ньӧбавны колан тӧваръяс мукӧд государствоясысь да нуны налы миян республикаясын лишаланторъяс. Таысь ӧтдор ми Англиякӧд лӧсьӧдчим сылысь деньга удждыны. Удждӧм деньга вылӧ ми ӧдйӧджык вермам кыпӧдны Сӧвет Республикаяслысь овмӧссӧ, сӧвъявмӧдны пабрик-заводъяснымӧс, вайны крестьяналы бур видз-му уджалан кӧлуйяс, машинаяс.
Дерт, тайӧ лӧсьӧдчӧмнад лои миянлы неуна лэччысьыштны, уступкаяс вӧчны. Важ сардырся уджйӧз неуна кӧсйим мынтыны. Найӧ вӧлі корӧны став уджйӧзсӧ, сы понда та дыра и нюжйӧдлісны сёрнисӧ, сӧмын миян дор сувтісны англияса рабочӧйяс, мырдӧнмоз нин найӧ тшӧктісны асланыс правительстволы мунны уступкаяс вылӧ. Со ӧд кутшӧма отсалӧны миянлы рабочӧйясыд мукӧд государствоясад! Миян правительство муніс уступкаяс вылӧ бура мӧвпалӧм бӧрын: кокньӧдас али дзескӧдас миянӧс тайӧ лӧсьӧдчӧмыс? Чайтӧны ёнакодь кокньӧдны.
Лӧсьӧдчӧм ӧні кырымалӧма. Озыр йӧз (буржуйяс, капиталистъяс) немтор эз вермыны вӧчны. Англияса рабочӧйяс миянлы ӧні отсалісны, водзӧ пондасны отсавны. Тадзӧн миян Сӧвет Республикаяслӧн Союз воысь воӧ вынсялас, зумыда сувтас, чорыда кутчысяс бур олӧм лӧсьӧдны.
