ОЛӦМ ДОН

Ме карса патераын весала сэтӧр. Ведра пыдӧсас куйлӧ вӧр да гожӧм дука паськыд кор. Сы улысь мыччысьӧ тшӧг турунвиж номыр да кыссьӧ вывлань. Сійӧ нориника видзӧдлӧ весалӧм вотӧса тазлань — сыӧдз вывті ылын. Сэсся кайӧ ведра дорышӧдз да повзьӧмысла измӧ. Кытчӧ сылы воштысьны, кытчӧ кыссьыны?..

Мыйысь нӧ весьӧпӧрис гӧсьтӧй? Ме серӧкті да кисьті куш ведраӧ вотӧс пиысь перъялӧм корсӧ. Пукті сэтчӧ и кымынкӧ тусь. Аски дачаӧ жӧ муна-а, — бӧр нуа пышъялысь номырӧс гортас. Меным тайӧс вӧчны нинӧм дон оз сулав. А сылы тайӧ, гашкӧ, олӧм доныс...