* * *

Водас лымйыс зумыш, кын му вылӧ,
Сайӧдас син водзысь нярмӧм кор.
Юкны мустӧм невӧляӧс, кылан,
Тэнӧ сэсся некор нин ог кор.

Пемыдас ог горӧд тэнсьыд нимтӧ,
Чукӧстан кӧ — шыасьны ог мӧд.
Регыд тӧв, а лолӧй век на интӧм.
Некодлӧн ме. Кодкӧд тэ — ог тӧд.

Сійӧ, кодкӧд тэ, оз эскы шудас.
Бур, мый тіян вылӧ ӧти му.
Кута лача — пемдытӧдзыс вуджас
Сійӧ тэкӧд зумыш, букыд ю.

И оз кольччы тэысь ылӧ бӧрӧ —
Нем оз тыдав, ставыс гӧгӧр сьӧд.
Водас лым, и вежсяс олӧм кӧрӧй —
Кольӧмасӧ казьтывны ог мӧд.