* * *

Лым улын узьысь ю да вӧр-пу бердӧ
Руд чышъян быттьӧ ӧшӧдӧма рыт.
Но регыд петас тӧлысь енэж эрдӧ,
Мед парма весьтсӧ гежмавны войбыд.

Кӧть енъюгыдыс рӧмыдӧ нин пӧрис,
Став сюръя йылӧ колис ассьыс дзар.
Чӧв-лӧняс вӧйӧм очӧсталысь вӧрас
Ун корсьӧ репас-позйын сьӧла-тар.

И пемыдыс нин дзебсис вӧр-пу сайӧ,
И войыс бара паськӧдалӧ вез.
А сикт пасьтала тшыныс труньгӧ-кайӧ,
Дай ачым петі пыртны гортӧ пес.