* * *

Йирым тӧлысьыс павкнитіс муӧ лым дӧра.
Век на усьӧны коръяс. А му вылыс — кын.
Йизьӧм пелысь пу розйыслӧн шоммӧдан кӧрысь
Ныжмӧ пиньӧй. И лолӧй. И абу нин вын
Мыйкӧ жалитны.

Сьӧлӧмӧс дугдывтӧг ёнтӧ:
Чайтсис, ставыс на артмас, а эз тай и ло.
Со и лов вылысь уси. И гудрӧдлӧ помтӧг
Менӧ вежгӧм да горшлун. Да быдсяма лёк.

Личкан-топӧдан жугыльӧ сьӧлӧмӧй пӧдіс,
Кусӧм лачаӧй разаліс, быттьӧкӧ ру.
Тӧлӧй, виччысьлін эськӧ! Ӧд шонтысьны мӧді...
Пелысь вевттьысьӧ лымйӧн нин со...
Пӧкрӧв лун!