РОЧ СЬӦЛӦМ ДА КОМИ ЛОВ ЙЫЛЫСЬ

Тверь карса ӧввӧдан сьыланкыв сьӧлӧмӧс ликтӧ
Галя из пыдӧса, сӧдз ваа раминик юӧ.
Кольӧма-йиджӧма лолӧй Нарачино сиктӧ —
Мамӧлӧн шондіа ювывса гыясӧд уйӧ.

Мамӧкӧд меным тшӧтш мойдлывліс коми сьӧд вӧрыс,
Кытысь и лайкыда гычӧдысь потанӧй чужис.
Пармаӧ дзебсьӧм Кольёльысь — дас керкаа йӧрысь —
Ӧдвакӧ аддзысяс сьӧлӧмлы донаджык вужйыс.

Мамӧлӧн сьыланкыв батьӧлысь венны эз вермы.
Но ӧд и батьӧлӧн сьыланыс менӧ эз смилит.
Рочмӧм зыранкаӧн ола, а местаыс тырмӧ
Сьӧлӧмлы ловкӧд — ас муӧй мед сӧмын оз дивит.