* * *

А Иван лунӧ чожа ворсіс гудӧк
И том йӧз вылӧ кисьтіс шыа мойд.
Луд пасьталаыс ӧвтіс тшынас дукӧн.
И йӧктісны сэн метӧг куим чой.
А гудӧкыс частушкаясӧн койис,
То ворсіс ловтӧ чашйысь сьыланкыв.
И важся нывъёрт котыр сэтшӧм збоя
Сэн йӧктіс — тайкӧ сырмис эжа выв.
И синныс ӧзйис сэтшӧм удаллунӧн,
Кыдз быттьӧ ломзис сьӧлӧманыс пач!
...А ме эг йӧкты, сӧмын шензи думӧн,
Кыдз налӧн, карса йӧзлӧн, артмӧ тадз?

Сэк Иван лунас лолӧй сюртчис вывлань
Да вӧтліс бокӧ шог и гажтӧм ру.
И чайтсис меным: дзордзалӧ му вылас
Важ нэмӧ
		пӧрысь пӧчӧн кӧдзӧм сю.