ОТЙЫН

От вӧлӧсьтын грездъясас йӧзыс садьмыны пондӧмаӧсь, кыпӧдчӧны ньӧжйӧникӧн. Лыатыын да Кӧжмудорын с.-кӧзяйственнӧй кооперативнӧй тӧварищество восьтӧмаӧсь.

Керӧсын ёна жӧ нин сы йылысь сёрнитісны, чайтам, ӧні восьтісны нин.

Сӧмын Отйыс ӧнӧдз на зэв чӧскыда узьӧ. Вичкояс Отйын гажаӧсь, поп ыджыд гӧлӧса, престольнӧй праздник уна, «Пекнича Парасковьяыд» юръястӧ ёна бура пемдӧдӧма, ёгӧсьтӧма, вель ёна югдӧдны, весавны ковмас. Сэсся бара лёк йӧз эмӧсь, Степа Сандрӧ да код да. Вашкӧдчӧны, шуалӧны, мый пӧ миянлы сыысь, войдӧр пӧ эз вӧвлы сэтшӧмторйыс да бурджыка овлім. Отсаяс кывзӧны. Дыр-ӧ пондасны кывзыны — ог тӧд. Гашкӧ, ӧні оз нин кывзыны — Отсаяс, висьталӧй кодікӧ!

В.