АЙКАТЫЛАЫН

Коньӧр поп.

Неважӧн юрбитысь йӧз чукӧртчывлӧмаӧсь вичкоӧ собранньӧ вылӧ.

Ӧти вичко сӧветлӧн шлен юалӧма поплысь: уна-ӧ нӧ пӧ воӧ, батюшка, тэныд доходыд?

Попыд шуас: кысь нӧ унаыс, ӧні зэв шоча йӧзыс кулалӧ да, панапида сьылӧдысьяс, рӧдительясӧс казьтылысьяс сы понда зэв этша. Тайӧ шуӧм бӧрын йӧз пондіс шуасьны, со пӧ дивӧ, йӧз кулӧм вылад радлӧ.

Кывзӧ, коми бур йӧз, мый вылӧ радлӧны кузь юрсиаясыд, шыбитӧ найӧс асланыд сьылі вылысь.

Кооператив вермасьӧ тӧргӧвӧйяскӧд.

Айкатылаын кутчысьлісны тӧргуйтны кодсюрӧ унаӧн. Ӧні Епо ланьтӧдалӧ налысь тӧргуйтӧмсӧ, коли сӧмын ӧти тӧварищество «Тӧчила и К°», да и сійӧ регыд кувсяс, сӧмын ог тӧдӧ, воас оз сійӧ кулӧмысь пӧльза поплы, гашкӧ, и сьылӧдасны ӧти панапидатӧ.

Школаын велӧдысьяс кутчысьӧны йӧз костын уджавны.

Велӧдысьяс чорыда заводитӧны уджавны крестьяна костын. Кык морт пырӧмаӧсь нин партияӧ да комсомолӧ. Ӧтвылысь йӧз судзӧдӧны 20 номер «Крестьянскӧй газет», сӧмын ассьыным «Югыд туйнымӧс» этша на корӧны.

Самӧкур.

Дзоля Айкатылаын эм самӧкур вийӧдан завод. Юралысьясыс Ӧнь Вань Мишӧ да Ельди Миш гӧтыр. Оз-ӧ позь найӧс чӧвтны татшӧм «службасьыс»?

Мукӧд сиктъясын пӧ татшӧм заводъясыс эмӧсь жӧ. Колӧ вӧчны сідзи, мед найӧ регыдджык кулӧны да сьылӧдасны панапида, тӧданныд ӧд, попыдлӧн горшыс паськалӧма доходъясыд вылӧ.

СЕЛЬКОР