ЗІЛЬӦЙ ВЫЛЬЛАНЬ!
Быд во миян крестьяналӧн прӧста куйлӧ коймӧд пайыс муыслӧн — коськӧм.
Коськӧм вылӧ крестьянин надейтчӧ: ӧти-кӧ, шойччыштас пӧ муыс; мӧд-кӧ, аръявылын пӧ скӧтӧс позяс коськӧм вылас видзны.
Тадзнад и артмӧ, кыдз шуасны, кык кӧч бӧрся кӧ вӧтчан, некодсӧ он кут. Ӧти-кӧ, му оз вермы шойччыны прӧста, бурмӧдтӧг; мӧд-кӧ, коськӧм вылад нӧ кутшӧм турун быдмӧ? Лёк нявда кындзи да йӧн кындзи нинӧм оз быдмы, скӧтлы сёйны сэтысь нинӧм оз сюр.
Сідзкӧ некутшӧм пӧльза абу коськӧмысь. А позьӧ лӧсьӧдны — коськӧм кутас вайны крестьяналы пӧльза.
Коськӧм вылӧ кӧ кӧдзны арнас либӧ тулыснас кутшӧмкӧ турун — сэтысь зэв нин ыджыд пӧльза лоӧ. Ӧти-кӧ, коськӧмыс шойччигмозыс асьсӧ бурмӧдас, оз ков куйӧдавны; мӧд-кӧ, дас пуд лёк турун пыдди ваяс сё-мӧд пуд десятинаысь зэв бур турун.
Та серти аддзам, колӧ миянлы эновтчыны куим кӧдза пӧвстӧн му уджалӧмысь (
