ТАЙӦ ВОИС МУСЛУНӦЙ

Мый нӧ лоис, мый нӧ лоис, мый нӧ лоис?
Льӧм пу еджыд лымйӧн югыд рӧмсӧ койис,
Мича рытӧн тырис гажа чужӧмӧй?
Тайӧ воис, тайӧ воис муслунӧй.

Мый нӧ лоис, мый нӧ лоис, мый нӧ лоис?
Ыркыд ваӧ сунгысьлыны, гашкӧ, коліс,
Мед эз сотчы биын менам сьӧлӧмӧй?
Тайӧ воис, тайӧ воис муслунӧй.

Мый нӧ лоис, мый нӧ лоис, мый нӧ лоис?
Мыйла сэтшӧм югыд быттьӧ тайӧ войыс,
Колипкайлӧн сьылӧм войбыд оз и лӧнь? —
Тайӧ воис, тайӧ воис муслунӧй.