ГОТЛАНД

Ме корси татысь
Удмурт нима улича.
Татшӧмыс тані абу вӧлӧма.
Но ме тӧді, юр вемӧн кылі:
ме тані вӧлі,
ме тані вӧлі
коркӧ, ог тӧд, кор.
Тайӧ изъя стенъяссӧ ме тӧда,
ыргӧнысь мича
чунькытш-исерга вӧчысьсӧ тӧда жӧ,
сёйысь тасьті-пань
вӧчысьӧс тӧда жӧ,
и тайӧ чӧскыд сёян пуысь дорас
ме пыравлі нин коркӧ водзынджык,
и тайӧ сьыланкывъяссӧ ме кывлі нин.
И тайӧ пу керкаяссӧ ме тӧда нин.
Ме аддза татчӧс олысьяслӧн синъясысь
шаньлун, тэрмасьтӧм вӧрасног.

Тані, тайӧ ылысса му вылас,
менам асвежӧртӧмлӧн керка
аддзис быттьӧкӧ ассьыс важся
артмӧмлысь из.