«АСЪЯ КЫА»

Кунибса комсомолеч котыр шуисны лэдзны деревняын кырымӧн гижӧм стеннӧй газет. Заводитігас шуисны сетны газетлы ним: «Асъя кыа». Кыдзи тай пӧ асъя кыа петӧм бӧрын петас шондіыс да садьмӧдас став йӧзсӧ, сідз жӧ пӧ ми газетнас кутам садьмӧдны деревняын олысьясӧс. Газетын кӧсйӧны гижны гырысьджыкторъяс Роч му вылын олӧмысь, мукӧд государствоысь, Коми обласьтысь, асланыс вӧлӧсьт йылысь, деревняяс йылысь.

Газетыс петӧ тӧлысьнас кыкысь. Первойя (номерыс) газетыс вӧлі лэдзӧма Петыр лунӧ (деревняын праздник). Лунтыр газеттӧ лыддисны праздничайтысьяс.

Мед «Асъя кыа» лоас Кунибын шонді асъя кыа кодь, мед садьмӧдас сійӧ йӧзӧс.