ЛОНДОНСА КОНФЕРЕНЦИЯ ВЫЛЫН

Конференция вылын сёрнитӧм бӧрын шуӧмаӧсь, Германия кӧ пӧ пондас водзӧ ланьтӧдчыны ассьыс уджйӧзъяссӧ срокъяс кежлӧ мынтӧмысь, да та понда кутасны кӧ лыбны Германия да мукӧд государствояс костын зыксьӧмъяс, колӧ пӧ водзвыв лӧсьӧдны третейскӧй суд, кытчӧ мед позяс шыӧдчыны быд государстволы. Третейскӧй судӧ бӧрйыны 3 мортӧс 5 во кежлӧ. Председатель пыддиыс пуктыны мортӧс Америкаысь.

Рур мездӧм йылысь сёрни ланьтіс, мыйӧн французъяс кыпӧдісны сёрни ас кост гырысь уджйӧзъяс йылысь, сы понда, тыдалӧ, немечьяскӧд та йылысь сёрнисӧ оз пондыны панны, сӧмын германияса делегатъяскӧд сёрнитыштасны мыйсюрӧ йылысь, гырысьджык сёрни уджсӧ бокӧ кольӧмӧн.