АРАБАЧЫН

Дас нёль верстын Айкатыласянь (Емдін кар улын) эм деревня — Арабач. Олӧны йӧзыс рудіника, гӧлиника... Няньяс этша волӧны. Тӧвъясын йӧз бокын нажӧвитчӧны.

Вель на пемыд йӧзыд Арабачын. Чепсасьӧны эськӧ быттьӧ водзӧ, югыдлань, да некодлы югдӧдан-туйдӧдан уджсӧ нуӧдны. Комсомол эм да шленыс сӧмын 3. Мый вермӧны эськӧ мырсьӧны челядьпиян — аттьӧ налы! — сӧмын аслыныс на бур юралысь колӧ.

ЕПО

эм бура важӧн нин — сизим во. Шленыс вӧлі 62 морт, ӧні добровольнӧй шленство лоӧм бӧрын пырӧмаӧсь 82 морт, став йӧзыс — 998.

Тӧваръяс этша, донъясыс сэсся бара поводнӧя жӧ ыджыдӧсь. Правленньӧас, ми чайтам, ӧткымыныс абу ас местаас веськалӧмаӧсь. Колӧ эськӧ шленъяслы пыдӧджык видзӧдлыны правленньӧас.

Няньяс

воӧны шӧркоддьӧма: бурӧн оз позь шуны, вывті омӧльӧн — оз жӧ. Турунъяс вель бурӧсь.

Мельнича

вӧлі во нёль сайын нин заводитӧма вӧчны Сӧкъю вылын. Эз помавны сэк, выныс эз судзсьы. Ӧнӧдз на сулалӧ, уджыс эськӧ абу нин зэв уна. ЕПО-лӧн шленъясыс сёрниталӧны вӧлі помавны мельничасӧ, мыйкӧ тай правленньӧыс эз водзмӧстчы. Пӧльза эськӧ ён вӧлі.

Исаков Иван.