МЫЙЫСЬ НӦ?

Паджгаын эм ӧти «пионер», дас куим арӧса детина — Кузьбӧжов Микулай. Ӧтчыд вӧлӧм сійӧ чукӧртӧма ассьыс том ёртъяссӧ дай сёрнитӧ накӧд, висьтавлӧ енмӧ веруйтӧм йылысь, ен йылысь, поп-дяклысь йӧзлысь юр вежӧрсӧ пемдӧдӧм йылысь.

Матын сэн вӧлӧма Паджгаса олӧмакодь мужик — Вавилин Е. П. Кылӧма «пионерлысь» сёрнитӧ, пузьӧма вирыс Вавилинлӧн. Со пӧ ӧд — мам йӧлыс на ещӧ абу косьмӧма вом дорсьыс, а шуӧ — ен пӧ абу... Кыдз тай уськӧдчас Микулай вылад да сетас кулакнас... Уна-ӧ колӧ дас куим арӧса детинаыдлы? Лӧсьыда тай тупыльтчис му вылас... Мыйысь нӧ эськӧ нӧйтіс Вавилин том «пионерӧс?» Аслас Кузьбӧжовлӧн том юрыс югыд, кӧсйӧ Вавилин кодь пемыд йӧзсӧ тшӧтш югдӧдны — сыысь ли, мый ли?