СТЕПАН ВИЧКО ВОСЬТӦМ ЙЫЛЫСЬӦтчыд вӧлі ме кар вывті Надзӧникӧн довга‐муна Дай мӧвпала: (кыкысь) Мый нӧ тайӧ бабаясыс, Кытчӧ тайӧ ведраяснас Дай мунӧны?... (кыкысь) Вӧлӧмакӧ Степан вичко Веруйтысьяслы сетӧмась Дзикӧдз вылӧ. (кыкысь) Квайт час рытыс мыйӧн воис, Ыджыд жыннян ёна-й бовгис — Ылӧдз кыліс... (кыкысь) Час кык кымын звӧнитісны... Йӧзыд ёна кутіс локны Быд пельӧсысь... (кыкысь) Пӧрысь баба мунӧ ӧдйӧ, Вомыс сылӧн весь оз топав Любӧысла. (кыкысь) Коркӧ попыд сэтчӧ воис, Заводитчис тай служитны Рытъя сьылӧм. (кыкысь) Служба муні дас час сайӧдз, Йӧз пыр сэні юрбитісны Пидзикокӧн. (кыкысь) Коркӧ дас час бӧрын сьывсис, Йӧз морт ветымын сэсь петіс — Ставыс пӧрысь. (кыкысь) Том йӧз сэні некод эз вӧв: Налы Степан вичко оз ков Нинӧм вылӧ. (кыкысь) Сійӧ клубӧ сӧмын ветлӧ, Ёна буртор сэні кывзӧ Быдсямасӧ. (кыкысь) Тырмас, пӧрысьяс, дурнытӧ, Бурджык клубӧ ветлынытӧ — Пӧльза лоӧ. (кыкысь) Сэні оз ков копрасьнытӧ, Сӧмын кывзы мича, бура, Ёна кывзы. (кыкысь) Попъястӧ шыбитӧй дзикӧдз, Агрономӧс ӧдйӧ босьтӧй — Бурджык лоӧ. (кыкысь) Сэк нянь бура кутас воны, Сӧмын вӧчны тшӧктӧм серти — Овмӧс вежсяс. (кыкысь) Сэсся тырмас талун кежлӧ: Эн дивитӧй, пӧрысь йӧзӧй, Абу лӧсьыд... (кыкысь) Чикыш пи.
