ОБКОМЫН

Юль 24‐ӧд лунӧ Обкомын вӧлі сёрни сиктса велӧдысьясӧс РКП-ӧ босьтӧм йылысь, сэсся Совпартшколаяс йылысь.

ЦК РКП тшӧктӧма босьтны миян обласьт улысь партияӧ дас велӧдысьӧс. Медым налы кокньӧдны партияӧ пырны, босьтны 3 во партияын олысь шленъяс ошкӧм (рекомендуйтӧм) серти (мукӧдӧс босьтігӧн колӧ 5 во олӧм шленъяслӧн ошкӧм). Обком шуис босьтны Сыктыв вожысь 2 велӧдысьӧс, Кулӧмдін карулысь — 2, Изьва вожысь — 3, Емдін карулысь — 3. Босьтны сӧмын сиктъясын велӧдысьясӧс.

Совпартшколаяс Обком шуис восьтыны куимӧс: Совпартшкола 1 ступени — Сыктывкарӧ, 50 велӧдчысьӧн, да Изьваӧ — 25 велӧдчысьӧн; 2 ступ. Сыктывкарӧ 40 велӧдчысьӧн. Велӧдысьясыс судзсянакодь. Библиотека Сыктывкарын эм, Изьваӧ ковмас лӧсьӧдны.