КЫДЗ ДОНТӦМДЖЫК?

Леснӧй ведомство миян вӧр весалан удж нуӧдӧ. Уджалысьяслы мынтӧ 63 к. лун. Доныс абу зэв ыджыд, сы понда уджалӧны челядь да пӧрысьджык йӧз. А кыдзи нӧ уджыс мунӧ? Луннад локтасны кымынкӧ морт уджаланінас, явитчасны лесник дінӧ — сійӧ смотритель пыдди. Локтасны, гижсясны — ставныс эмӧсь. Сэсся вӧчӧны, кодлы мый колӧ: коді уджалӧ, коді шойччӧ — шондіысь дзебсьӧма кыдз улӧ ли коз улӧ, — коді лунтыр шпуткӧ-куритчӧ. Рытнад бара лесник дінӧ: ставныс? — Ставныс! 63 коп. лои нажӧвитӧма, кыдз уджалӧма — мед ещӧ уджалысьясыс висьталасны. Кодлӧн тӧлкыс эм да яндзимыс, дерт, уджаліс.

Эз-ӧ эськӧ бурджык вӧв сетны весавны торъя делянкаяс кымынкӧ мортлы урчитӧм донысь? Ме чайта, сідзнад ӧдйӧнджык уджыд мӧдіс да-й унджык вӧрыд весалӧма лои. А уджыс ӧд сійӧ зэв колантор.

Аддзылысь.