ТШЫГЪЯЛӦМӦДЗ ВОШТӦМАӦСЬ

ВАРШАВАЫН. Украинскӧй депутат Приступа шыасьлӧма Сеймын (польскӧй Государственнӧй дума) юралысь дінӧ со мый йылысь: польскӧй тюрмаясын пӧ нӧйталӧны политическӧй арестованнӧйясӧс. Львовын, Ковельын, Луцкын, Ровноын тюрмаясас пукалысьяс вылас быд ногыс серавлӧны, нартитчӧны, нинӧм абуысь нӧйтӧны.

Варшаваын ӧти тюрмаын пӧлича нӧйтӧма политическӧй арестованнӧйясӧс. Найӧ вӧлӧм абу кӧсйӧмаӧсь лэдзны петкӧдны тюрмасьыс тӧварышъяссӧ, кодъясӧс вӧлӧм нуӧны посниджык карса тюрмаясӧ. Сэтшӧм тюрмаясас видзӧны ещӧ на омӧля.

Медыджыд Варшаваса тюрмаас политическӧй арестованнӧйяс пондӧмаӧсь ас вӧлясьыс тшыгъявны.