ГАЗЕТ КРЕСТЬЯНАЛӦН
Август 1-й лунсянь миян газет «Югыд туй» кутас петны ыджыд — кык мында ыджыд, вежонын нёльысь — кыкысь комиӧн, мӧд кыксьыс — рочӧн. Газетӧ унджык лоӧ гижӧма крестьяналысь овмӧс кыпӧдӧм йылысь.
Газетӧ пондасны гижавны агрономъяс видз-му выль ногӧн уджалӧм йылысь; лесничӧйяс — вӧр йылысь, кыдзи сійӧс колӧ видзны-дӧзьӧритны, кыдз пӧльзуйтчыны, мед некутшӧм добра эз вош; йӧзӧс югдӧдан удж йылысь пондасны гижны тӧдысь велӧдчӧм йӧз, быдсяма мукӧд пӧлӧс колантор йылысь.
Сэсся газетӧ лоӧ гижӧма Обласьтувса удж йылысь, кӧні кыдзи олӧны-уджалӧны, мед став коми крестьянаыс тӧдӧны сы йылысь, велӧдчӧны мӧда-мӧдыслысь бур вылӧ, ассьыныс омӧльторъяссӧ эновтӧны.
Сӧмын оз ков вунӧдны коми крестьяналы ӧтитор: газет лоас гӧгӧрвоана, ловъя, гижӧдыс кутас сьӧлӧмас йиджны, кор крестьянаыс асьныс кутасны гижны газетас став деревняса олӧм-вылӧм йывсьыс. Мед оз яндысьны крестьяна омӧля-мисьтӧма гижӧмысь — редакция гижӧдтӧ шыльӧдас; кыдзи кужанныд, крестьяна, сідз и гижӧй! Гижӧй, мый йылысьджык тіян ногӧн колӧ газетас гижны.
Медым газет вермас ассьыс уджсӧ водзӧ паськӧдны, колӧ крестьяналы унджык газет судзӧдны (выписывайтны), газетлӧн доныс оз сод — сулалӧ 50 ур тӧлысь кежлӧ (каръясӧ 1 шайт).
Ӧнӧдз вӧлӧсьтувса учрежденньӧясӧ (исполкомъясӧ, школаясӧ, нардомъясӧ, РКП, РКСМ) газет вӧлі ыстыссьӧ донтӧг (
