* * *

Меным тэсянь оз ковны
Ни дзоридзьяс,
Ни козинъяс...
Медся ыджыд козинӧн лоӧ
Тэкӧд со тадзи орччӧн пукавны
Шоныд киясад кутчысьӧмӧн,
Мелі синъясад вӧйӧмӧн
Да кывны,
Мый ми Тэкӧд ӧні сӧмын кыкӧн,
И нинӧм сэсся миянлы оз ков...
Унджык кӧ эськӧ татшӧм шоныд здукыс!
Но тайӧ карас вывті ӧдйӧ лэбӧ кадыс!
И помтӧг лоӧ ордйӧдчыны кадкӧд,
Мед пайдыны ичӧтик здук.
Сэк кості ми лэбам гызьысь кар кузя
Асланым гуся пельӧсӧ,
Мед кольны сӧмын кыкӧн,
			сӧмын кыкӧн...