* * *

Ӧшинь сайын пукалӧ
Гулю.
Сійӧ видзӧдӧ ме вылӧ
Гӧгӧрвотӧм синъясӧн
И мӧвпалӧ:
Мый ме вӧча тайӧ
Дзескыд жыръяс,
Кор ывла вылас сэтшӧм
Кыпыд, мича, гажа!
Кор позьӧ лэбны
Ылӧ-ылӧ!
Бордъяс шевкнитӧмӧн
Вылӧ-вылӧ
Кыпӧдчыны...
И гортӧ локны бӧр.
А меным окота жӧ
Лэбзьывны,
Кӧть ӧтчыд нетшыштчывны
Вӧля вылӧ,
Лэбны енэжӧд да
Кывны асьтӧ вынаӧн,
			кокниӧн,
			шудаӧн!
Но мортлы шуӧма
Му вылын гыжъясьны.
Гашкӧ, мӧдар югыдас
Мунігӧн
Лэбалыштам!