* * *

Ме эска:
Воас луи,
Кор ме паныдала Тэнӧ,
И ӧтнадлы ме восьта ассьым сьӧлӧм,
И ӧтнадлы ме козьнала пӧсь муслун,
И ӧтнадлы ме шуа сӧстӧм кывъяс:
«Ме тэнӧ радейта».
А ӧні сійӧ лунсӧ
		виччысьны на ковмас,
Гашкӧ, во,
Гашкӧ, кык и унджык...
А урасьӧм 14-ӧд лунсӧ таво
Бара ӧтнамлы мем вочаавны ковмас.
И карса улич кузя восьлала ме чӧла
Да юалана синъясӧн видзӧда том йӧз вылӧ.
Гашкӧ, Тэ кӧнкӧ на пӧвстын?
И сідзжӧ менӧ корсян?
Но миян кадыс эз на, бурак, во..
Ме эска: воас лун...