ЧЕЛЯДЬДЫР

Регыд на и вӧлі сійӧ кадыс,
Медся гажа пӧра — челядьдыр.
Котравлім ми Эжва дорӧ, радӧсь,
Эгӧ волӧй гортӧ кузь лунтыр.

Берег пӧлӧн котравлім ми сюся,
Йӧрысь нетшким юмов чӧскыд льӧм,
Тӧвнас вӧчлім чомъяс ставсьыс гусьӧн,
Собалігӧн вӧлі вошлас кӧм...

Ок, эськӧ, мем выльысь сэтчӧ косны!
Челядьдырыд — вемӧса шань вӧт.
Быдмыссьӧма сӧмын кода костті, —
Челядьсӧ нин волігӧн ог тӧд.