ЧУЖАН КЫВ

Чужан кывйӧн ме лолала, ола,
Чужан кыв — менам олӧмлӧн мич.
Мукӧд кывйӧн, дерт, сёрнитны колӧ,
Сӧмын ас кывйыд сьӧлӧмлӧн лич.

Паськыд парматі пӧткаӧн лэбзяс,
Тэрыб йӧраӧн кытшовтас рас,
Зарни чериӧн Эжваын дзебсяс,
Йиджтас гижӧдӧ вӧр-валысь пас.

Чужан кывйӧн ме лолала, ола,
Ас мам-батьлӧн рам томиник ныв...
Мукӧд кывйӧн, дерт, сёрнитны колӧ,
Сӧмын медмуса мем коми кыв!