ВЕКНЬЫД СЕРПАС
Менӧ гортын некод оз виччысь муна улич кузя кытчӧ кокӧй нуас лов вылын тыртӧм быттьӧ кушмӧм банкаын ӧмидза варенньӧсӧ кодкӧ бара на ректӧма кыдзи челядьдырйи сӧмын на мамыд перйис гӧбӧчысь да пуктіс пызан вылӧ сӧмын на сьӧкыдпырысь восьтіс вевтсӧ и муніс чуткыны тшайник ӧмидз кӧрыс разалӧ керка пасьта сибалӧ быд пельӧсӧ корӧ чӧсмасьыштны зіль малямушъяс моз лэбӧны юмовтор дорӧ чой-вокӧй найӧ босьтӧны паньяс да ньылыштӧны варенньӧсӧ банка пыдӧсас кольӧ ӧти тусь сійӧ нора видзӧдӧ мамлӧн руалысь чашка вылӧ корӧ прӧща тайӧ абу ме абу ме абу ме но став мыжыс усьӧ тайӧ тусь вылӧ сійӧс ставныс ӧтдортӧны некод оз кӧсйы паньыштны сідзи коньӧрӧй и косьмӧ ме некодлы ӧні ог ков мамлы звӧнита а сылы пыр некор видзӧ чой-воклысь посни челядьсӧ кор нин найӧ быдмыласны да лэдзасны сёрнитны тайӧ карас ме дзик ӧтка но сиктын татшӧм пӧткаыс нӧшта на уна шпоркъялӧны гортсянь удж вылӧ сэсся шойччан лунӧ мольӧдӧм чужӧмӧн шлапвидзӧны джынвыйӧ куш клубын ӧти и сійӧ жӧ йӧз ӧти и сійӧ жӧ музыка ӧти и сійӧ жӧ йӧктӧм вӧрыс гӧльмӧ и сиктыс буракӧ тшӧтш тані вӧртӧм но позянлуныс унджык быд лун кӧсъя тэчны тыдавтӧм лэчьяс сямӧй абу дай ог лысьт урӧсіникыд меным оз ков со тай улич пӧлӧн колян вося корйыс сьӧлӧмтӧ оз вӧрзьӧд ни синтӧ оз гажӧд вой тӧлыс пӧлялӧ найӧс кытчӧ гажыс няйт лым вылӧ шыбитлас машина кӧльӧса улӧ брызьгылас ва гӧптӧ дзумгас корйыс косьмас и бара пансяс важ туйыс мыйта позьӧ тадзи овны водзвылын ризӧдӧ кӧтасьӧм кока гулю чорыд кос веркӧсын кок туйыс вочасӧн сылӧ быттьӧ кодкӧ вуштӧ лапа бӧрся лапа сӧмын на пуктан синтӧ и абу став бур зонсӧ кыйӧны сюсь нывъяс найӧ кужӧны корсьны метитчыны да стӧча веськавны пасӧ зонъяс оз нин зільны вӧравны налы дыш гежмавны пармасӧ корсьны кыйӧдны вӧтчыны налы став пуыс ӧткодь кӧть и веськалас ас пу оз гӧгӧрволыны дышӧдіс нин жуглыны юр мудзи тайӧ мӧвпсьыс муслуныс абу эм эськӧ да сӧмын менӧ ылысянь кытшовтӧ оз шедӧдчы киӧ а гашкӧ водз на коркӧ туйыс ачыс вайӧдас лӧсялана мортӧс колӧкӧ сійӧ ӧні восьлалӧ мӧдар туй бокӧдыс да тайӧс жӧ мӧвпалӧ збыльысь тонӧ мунӧ сьӧд паськӧма том морт киас кыскӧ шпалер мамӧй век босьтӧ дзоридза шпалер сылы оз тырмы чветыс батьӧй нэмнас ӧтчыд козьнавліс букетсӧ а быд ань радейтӧ дзоридзьяс керкаас кӧть ывлаас чветыд кужӧ вочавидзны мелілунӧн и некытчӧ оз пышйы менам патераын уна дзоридз найӧ меным челядь кодь верда-юктӧда найӧс лелькуйта сёрнита чветъяс век радӧсь меным ӧта-мӧдныскӧд ордйысьӧны коді унджык юас васӧ нюжалас дзордзалас жаль оз кужны сёрнитны найӧс эськӧ помтӧг кывзі кыдзи и небӧг сылӧн сёрни шлывгысь ю любӧ кывзыны серпассянь серпасӧ мӧвпсянь мӧвпӧ олӧмсянь олӧмӧ небӧглӧн пыжыс мудзлытӧг новлӧдлӧ менӧ аслас муяс пӧлӧн и ньӧтчыд на эз эновтлы менӧ йӧз берегын ылавла кӧ кытчӧкӧ виччысяс шогала кӧ бурӧдас вися кӧ бурдӧдас татшӧм жӧ мортӧс эськӧ паныдавны да овлӧ-ӧ сэтшӧмыс школаын велӧдчигӧн на колльӧдчылі ӧти зонкӧд сійӧ век сёрнитіс сӧмын ас йывсьыс менам кывъясӧй лӧдісны быттьӧ кӧзӧдӧ да пӧрисны йиӧ сэсся зонмыд муніс велӧдчыны карӧ да дзикӧдз кӧдзаліс ме дыр лӧньӧді сьӧлӧмӧс сы выйӧдз мый кын мырӧн ачымӧс кыла торйӧн выль морткӧд тӧдмасигӧн кокӧй кыскӧ менӧ библиотекаӧ шарӧдчысь кор шыа мӧвпъяс кытшалӧны менӧ быдладорбоксянь шӧпкӧдӧны кутшӧм джадж дорӧ матыстчыны кутшӧм книга судзӧдны кутшӧм лист бок восьтыны налӧн асланыс мог вӧзйыны кыдз позьӧ унджык небӧг мед мортыс юас найӧс кӧть тайӧ ӧмидза варенньӧ либӧ пелыся ставыс ӧткодь сӧмын босьт быдӧн инасяс лолыд паськыд но ме ог вермы радейта ветлыны ордымӧд аддзыны векньыд серпас нимкодясьны сикт пасьта енэжӧн шушкӧдчысь мӧвпъяс кӧсйӧны менӧ венны миянӧс пӧ кывзан и лоан шудаӧн и радейтана пӧвтӧ аддзан и олӧмыд ладмас тырмас ӧткӧн чипсасьны вӧтла найӧс кыш-кыш-кыш светофор кунис гӧрд синсӧ да чашкӧдіс турунвижсӧ улич мӧдар боксянь паныд локтӧ шпалера том морт
