ОЛӦМЫС ЛОАС НА

Ыркыд арся рыт. Куйла юдорса кыркӧтш вылын да видзӧда пыдӧстӧм пемыд енэжӧ. Орччӧн ломалӧ бипур да коялӧ са сьӧдас зарни киньяссӧ. Налы оз йӧктыссьы биа кывъяс весьтын, да ордйӧдчӧны, коді вылӧджык чеччыштас. Но кодзувъясӧдз би киньяс некор оз воны. Найӧ кусӧны, сэсся чужӧны выльяс и сідз жӧ сылӧны пемыдас. И тадзи бипур кустӧдз.

Ставыс кусӧ. И йӧз, и быдмӧгъяс, и пемӧсъяс, и уна-уна мукӧдтор. И кодзувъяс кусӧны жӧ. Но век артмӧны выльяс. Кытчӧдз оз кус миян шонді, лоас олӧмыс му вылын, лоас олӧмыс енкӧлаын, а ме коддьӧмъясыс, кӧнкӧ, нэмысь нэмӧ кутасны кузь арся рытъясӧ куйлыны бипур дорын да видзӧдны кодзула пыдӧстӧм енэжӧ.