АРСЯ РЫТӦ

Арся рыт. Туй шӧрын — косьмӧм роза. Лязӧдӧм коръясыс гажтӧма шарӧдчӧны кӧдзыд му вылас, а киссьыны заводитӧм юрыс корсюрӧ довкйӧдлӧ, быттьӧкӧ гӧгӧрвоӧ налысь норасьӧмсӧ да накӧд ӧтвылысь юкӧ шогсӧ. Тэрыба шавкйысь том морт тальыштӧ мунігмозыс сідз нин нярзьӧм дзоридзсӧ. Роза бӧръяысь довкнитӧ юрнас да лӧньӧ, а коръясыс ляскысьӧны, вӧйӧны няйт пиас. И тайӧ здукас сьӧлӧмӧс кырыштіс вунлӧм нин дой: дзик жӧ тайӧ дзоридзыс моз ме кылі ачымӧс некымын во сайын муса морткӧд янсӧдчигӧн.