ПОТШӦС

Зумыд потшӧс ассьыс йӧрсӧ видзӧ,
Быттьӧ мортӧс асыкалӧм вӧнь.
Зэр да гожйыс потшӧс пиӧ сидзӧ,
Но оз сатш лёк видзӧдласа ньӧв.

Гогналӧма потшъяс лэчыд черӧн,
Мичыс татчӧс вӧр-ва кодь жӧ рам.
Потшӧсыслӧн тшапитчытӧм серӧ
Коми мортлӧн сайӧдчӧма сям.

Мездысьны оз вермы ӧти думысь:
Кыдзи бура дорйыны ас йӧр.
Прасла воссяндыра сылӧн нюмыс.
Он и тӧдлы, зумыштчӧма бӧр.