КУРАН

Куртӧ куран паськыд ва дор видзсӧ,
Зіля нистӧ турунсӧ пу пиньыс.
Войт оз коляв куран косьмӧм идзсӧ,
Быттьӧ тайӧ уджыс — олӧм киньыс.

Чӧвтӧм зорӧд ньӧжйӧника летӧ,
Чорыд пиньнас нистӧ сіӧн-сіӧн.
Чача кодь и зорӧд сэсся петӧ,
Вӧчӧма кӧ кужысь мортлӧн киӧн.

Чуркӧс зорӧд — джуджыд югыд вичко,
Сибӧдчӧма бердас мудзӧм куран,
Выльӧн ытшкӧм нимкодясьысь видз кодь,
Сигӧралӧм уджысь вылын юра.