ПОЖ

Воссьӧма енэж кумыслӧн дзиръя,
Мудзлытӧг пызьналӧ пож
Пӧртмасян биа посни лым чиръяс —
Ыпъялан шонділысь гож.

Пызьналӧ пожйыс посни син пырыс
Нэмъясӧн сӧдзтысьысь кыв.
Гылӧдӧм кывсӧ пырысьтӧм-пырысь
Чукӧртӧ войтырлӧн мыв.

Сӧмын тай пожлӧн веркӧсас содӧ
Кывйыслӧн кисьмытӧм тусь.
Эновтӧм из моз дорышас водӧ,
Йӧз дорӧ муӧ оз усь.

Сэтшӧмсӧ пожйыс енэжас кӧдзӧ —
Кодзулӧ пӧрӧны сэн,
Кадыс кӧ найӧс дырӧн оз кӧдзӧд,
Ӧгралӧм налысь оз вен.

Войтырыс босьтас найӧс ас лолӧ,
Кылас кӧ кывйыслысь вын.
Вӧр-ватӧг кыдзи мортыс оз овлы,
Кывтӧгыд мортыс — пу джын.