КАРНАНЫлісянь некод оз кыв Жугыля сьылӧм. Восьлалӧ карнана ныв Тыр тӧлысь вылӧд. Ведраас васӧ оз ну — Кыскалӧ олӧм Шойччытӧг уна вой-лун, Пуктыны полӧ. Ганяс кӧ ӧтарладор — Югыдсӧ кисьтас: Шуд-гажӧн солькъясьысь шор Йӧз лолӧ письтас. Ганяс кӧ мӧдарлабок — Пемыдсӧ кояс: Вевтыртас войтырӧс шог Юкалысь дойӧн. Нуысьыс некод оз ло — Карнаныс мынас, Ордымысь кежӧдчӧм лов Енэжӧ сынас. Кодарӧ катовтас кад, Сэтчӧ и нёрас, Быттьӧкӧ копрасьысь бадь Визув ю дорас. Гыалӧ енкӧла ю, Лайкъялӧ карнан. Кутшӧм нӧ вевттьысяс му Сьӧднас ли дзарнас?
