СЕРА ПАЛИЧКадыс вӧрзьӧдӧ важас калич, Медым лэбӧдны нэмъяс вомӧн, Быттьӧ гранкиа сера палич Разьӧ шылялӧм дӧра пома. Воссьӧ водзвылын войтыр олӧм, Сійӧс чукльӧдлысь юӧн нуӧ Миян пӧльяслӧн ыджыд колӧм: Лоны вынаӧн чужан муын. Сӧмын юыс тай ӧні ямӧ Либӧ воргасӧ ассьыс вежӧ. Тадз и миянлӧн сямыс раммӧ, Да и важыскӧд мунам вежӧн. Сера паличӧн ӧнія кадыс Мырдӧн быгыльтчӧ миян мывті, — Со и рузмунӧ олан ладыс, Мыджтӧм чипас моз муӧ гывдӧ.
