ДОН ГӦРД КОДЗУВ

Сиктса воймӧм керкаыслӧн юрыс
Кыпалӧма вылӧдз — он и судз.
И оз личкы сійӧс нэмся мудз,
Кӧть и ёнтӧ война кадся вурыс.

Дон гӧрд кодзув морӧс вылас сырмӧ.
Петіс керка борд улысь салдат,
Сьӧлӧм бердсьыс орис пи, вок, бать,
Дойсӧ венны ӧти нэм оз тырмы.

Кыа вӧньын сиктыс быттьӧ лолӧ
Ӧгыралысь кодзувъяса эж.
Кодзув лыдсӧ нинӧмӧн он веж —
Ломзьӧ наын пӧльяснымлӧн олӧм.