КУТШӦМ ПОРСЬӦС ВИДЗНЫ

Уналаын коми крестьяна ӧні видзӧны порсьясӧс. Порсь видзӧмысь ыджыд пӧльза. Сӧмын колӧ видзны бур рӧдысь.

Ӧні нӧ мый миян? Быдлаысь аддзылан, кутшӧмкӧ шыр кодь порсьяс луасьӧны. Руксӧмныс зэв ыджыд, сӧмын яй ни гос оз вайны.

Ӧткымынлысь аддзылан мича, госа, тшӧг порсьӧс. Сэки быттьӧ завидь босьтас:

— Ак, зонмӧ, кутшӧм порсьыс! — шуам.

Позьӧ быдлаӧ сэтшӧм порсьтӧ лӧсьӧдны.

Колӧ вочасӧн деревняясӧ лӧсьӧдавны бур рӧда порсь видзанінъяс (племенной рассадник).

Порсьясӧс позьӧ судзӧдны Областнӧй Земельнӧй Управленньӧысь (Сельскохозяйственный отдел). Тайӧ лунъясӧ сэтчӧ воӧ Вӧлӧгдасянь дас вит порсьпи английскӧй рӧдысь — «Йоркширскӧй» порода шусьӧ. Кутасны разӧдны (вузавны), кодлы колӧ.

Медвойдӧр кооперативъясӧ ӧтувтчӧмъяслы, сэсся быдӧнлы. Та йылысь колӧ сетны заявленньӧ Обземуправленньӧӧ (Отдел сельского хозяйства) август 1-й лунӧдз. Улыс Човйысь вузалӧны порсьпиянӧс: энь порсьяс — 25 шайт, ай порсь — 20 шайт. Земельнӧй обществояслы да сельскокӧзяйственнӧй кооперативъяслы сетӧны ай порсьяссӧ, торъя лӧсьӧдчӧмӧн, донтӧг (бесплатно), кодъяс кӧсйысьӧны лӧсьӧдны ӧтувъя порсь рӧдмӧданін.

Коми крестьянин! Кӧсъян кӧ тэ бурмӧдны порсь рӧд — судзӧд бур рӧдысь порсьтӧ!