МЫЙӦН ЛЁК КУИМ ВЕЖӦН МУ УДЖАЛӦМ (ТРЕХПОЛЬЕ)?

1. Трехполье оз лэдз крестьяналы паськӧдчыны, пыр лоӧ сылы уджавны ныр вылас усьтӧдз.

2. Пыр лоӧ крестьянинлы тӧждысьны-повны, мед эськӧ тӧв кежлӧ тырмас няньыс. Трехпольенад пыр нин лоӧ кӧдзны нянь — сю да ид; кос дырйи либӧ вывті зэра воӧ кыкнан пӧлӧс няньыс вермас ӧтпырйӧ ставыс тшыкны — нинӧм оз во.

3. Куим вежӧн му уджалігӧн, няньыд ёнджыка вермас тшыкны: быдсяма гагъясыс жугӧдӧны няньтӧ, регыд лоӧ кӧдза костыс да.

4. Быд воӧ коймӧд пай муыд весь куйлӧ коськӧм улын, некутшӧм пӧльза оз вай крестьянинлы.

5. Ёна омӧльтӧ му пӧтшвасӧ; быд воӧ куйӧдавны он вермы — оз тырмы куйӧдным, муыдлӧн пыр вочасӧн выныс чинӧ-бырӧ.

6. Ньӧти оз вешты крестьянинлысь уджсӧ; трехпольеӧн воӧ зэв этша нянь, уджавны лоӧ вынысь-вынӧн.

7. Оз лэдз скӧтӧс быдтыны-паськӧдны; му вылын кӧрым оз позь быдтыны трехполье дырйи.

Со мыйӧн омӧль трехпольеыд. Крестьяналы тшыглунысь, гӧльлунысь мездысьны эм сӧмын ӧти туй — кутчысьны му уджавны уна вежӧн (многополье).

Ва-н.