ГОЖСЯ БАЙКӦДАН

Вольпасьыдлӧн лайкыд гыяс вылӧ
Павкнитчӧма шебрас — еджыд юсь.
Бордъяс улас водам, муса нылӧ,
Менам шӧвктуг, менам зарни тусь.

Аски пӧттӧдз дзоридзьяссӧ ӧктан,
Нетшкан катшасинлысь сыръя дор,
Ӧшинь улын, турун пиын, йӧктан,
Ӧтар киад — чвет, а мӧдас — кор.

Кутчысь, нылӧ, юсьлӧн майкыд бордйӧ,
Сӧмын синтӧ топыдджыка кунь.
Кылан, кыдзи юсьыс тӧвсӧ ордйӧ?
Кылан, кыдзи шӧпкӧ пеляд ун?