ГИТАРА

Менӧ, дзоляӧс, медводз велӧдіс сьывны батьӧ
Гора гудӧкыс улӧ, комиӧн «Козйӧ, козйӧ...».
Вылам, помнита, вӧлі кокньыдик еджыд платтьӧ,
И ме тӧв йылын быттьӧ вӧри льӧм дзоридз розйӧн.

Коркӧ, быдми да, ачым гудӧксӧ киӧ босьті,
Ӧти сьыланкыв ворсі — велӧдчӧм тайӧн эштіс.
Абу шуӧма меным гудӧкӧн лолӧс восьтны,
И мӧд шылада туйӧ олӧмыс менӧ вештіс.

Миян рӧднымлы Енмыс сетлӧма юркыд пӧлян,
И выль кӧлена, гашкӧ, пӧлясяс водзӧ бара.
Гажа сигудӧк ловсӧ аддзӧма батьлӧн пӧльын,
Батьын — гудӧк, а менӧ бӧрйис мыла гитара.