СИГУДӦК

Чусмӧм снимокысь лолӧн кыла
Мелі сигудӧк везлысь горсӧ.
Батьлӧн пӧльӧыс чунӧк шылад
Джуджыд коз улын ньӧжйӧ ворсӧ.

Тайӧ сигудӧк аслас киӧн
Пӧльӧ вӧчлӧма ёртыс пыдди,
Медым сявкнитас вӧр-ва пиӧ
Ылькйысь шыяссӧ сьӧлӧм пыді.

Авъя сигудӧк — югыд лола,
Ӧд вӧр керкаын векджык ворсӧ.
Сійӧ пӧткаӧн тані лолӧ,
Галя из пыдди шыяс корсьӧ —

Медся мылаӧс, медся сӧдзӧс,
Медся юркыдӧс, медся рамӧс.
Сылӧн шыладыс восьтӧ ӧдзӧс
Коми вӧралысь олан сямӧ.