ПӦЧЛӦН САД

Пӧчлӧн садйын тӧрыт на вӧлі шойна
Важмӧм, сісьмӧм пӧвъясысь да сімӧм кӧртысь,
Трактор-машина юкӧнысь ӧкмӧм лӧптысь —
Ставсӧ позис важӧн нин кытчӧкӧ лойны.

Талун садйыс ружӧктіс пыдӧ-пыдӧ,
Мурган шыӧн кротшкӧдчис мынӧм вужйыс,
Быттьӧ уна тӧв бӧрын гожӧмӧ вуджис,
Кор ми весалім котырӧн садлысь пыдӧс.

Ӧні садйыс юкмӧсӧн меным лоӧ,
Кытысь позьӧ гумлавны челядьдыртӧ,
Кытӧн позьӧ мӧвпавны кадлысь кывтӧм,
Кытӧн коркӧ вежӧртан арлысь воӧм.