НЁЛЬ КОРЪЯ БОБӦНЯНЬ

чойлы

нёль коръя бобӧнянь пӧ вайӧ шуд.
помнитан, некымын во сайын ме век жӧ аддзи сійӧс
да чирк моз котӧрті петкӧдлыны тэныд?
ме сэки бордъясьлі нимкодьла!
ӧд тэныд сэтшӧмыс сюраліс быд лун...
но збыльысь-ӧ нёль коръя бобӧняньыс вайӧ шуд?
тэ шуан, мый збыльысь: сійӧ коркӧ ваяс тэныд
ыджыд шуд.
но кымын нёль коръя бобӧнянь ковмас на ӧктыны?
ёна кӧ эскыны, сідз жӧ позьӧ чукӧртны
гежӧд дзоридзьяс либӧ изъяс.
ёна кӧ эскыны, позьӧ нинӧм не чукӧртны.
и ыджыд эскӧмыс коркӧ ваяс сэтшӧм жӧ ыджыд шуд.
нёль коръя бобӧнянь кодь гежӧд да
олӧмыслӧн грунъя-гранъя туй вылас тыдавтӧм.