КӦЛЬӦСА

меным чайтсьӧ,
асывнас эм дзик ӧти здук,
кор синсӧ поткӧдысь грездыс
унзільвывсьыс вошлӧ кадас
да телегаысь мынӧм кӧльӧса моз
летитӧ ӧдӧбвывсьыс кытчӧкӧ бокӧ.
и сійӧс шыбыльтӧ ветымын во бӧрӧ.
важмылӧм керкаясыс бӧр томмӧны.
ыб вылын бӧр сувталӧны керавлӧм пуяс.
ямны пондӧм юыс бӧр польдчӧ.
а кильчӧ вылӧ чепӧсйӧ пӧчӧй — том ань,
карнанӧн лэччӧ вала.
но тайӧ сӧмын ӧти здук — шонді югӧр.
и ме некыдз ог вермы сійӧс кыйны.
пӧчлӧн сарайын эм потласьӧм пу кӧльӧса.
сы пыр кӧ нӧ видзӧдлыны колӧ-а?