* * *

Талун сьӧдовруд кымӧръяс коластас ме ог сун,
Медым кыпӧдны ловруӧс енэжлӧн тувсов лӧзӧн —
Сійӧн сьӧлӧмӧс ӧтарӧ шымыртӧ жугыльлун,
Кыдзи зэрласьысь ывласӧ — вой тӧвлӧн гажтӧм льӧмзӧм.

Кымӧр эшкынысь кадысь-кад корсяла лӧзов син.
Гашкӧ-й, збыльысь сэн мӧдарас анделӧй менӧ виччӧ,
Медым бара на уськӧдны лов пытшкам зарни кинь,
Коді сявкнитас бӧрыннас кывъяслӧн югыд мичӧн.

Ясыд лунъясӧ енэжыс шӧпкӧдчӧ мекӧд век.
И тшӧтш муюгыд олӧмсӧ мойдігсор кисьтӧ лолам.
А ме видзӧда сьӧлӧмӧй бурмытӧдз лӧзсӧ сэк, —
Ачым сынӧд кодь дзирыдӧн здук кежлӧ быттьӧ лола.