ВОЙСЯ БАБИЧА

Биа ӧшиньӧ рытнас таркӧдчис
Эзысь бордъяса войся бабича ^Бабича — бобув./^.
Ывла пемыдас помтӧг шпорӧдчис,
Быттьӧ восьтыны корис каличсӧ.

Ӧшинь костӧді — гортӧ жбыркнитіс
Сёрмӧм гӧстя моз тэрыб вӧрасӧн.
Кокни борд шыыс меӧ ыркнитіс,
Быттьӧ тӧврулӧн небыд пӧльыштӧм.

Войся бабича йӧктіс-гӧграліс
Лампа би дорті, гашкӧ, шонтысис,
Сэсся ме гӧгӧр дыркодь бергаліс,
Быттьӧ висьтавны мыйкӧ дасьтысис.

Коркӧ-й шпоркнитіс ен ув пельӧсӧ,
Бордсӧ сиптӧмӧн лӧня пукыштіс,
Сэсся ӧбразъяс увсьыс пернасӧ,
Баблысь пернасӧ рама окыштіс...

И ме велалі: тайӧ бабушӧй
Асьсӧ казьтыштны сійӧс ыстывліс,
Войся бабича баблысь лов шысӧ
Жырйӧд лэбаліг мелань ӧвтыштліс...