ТӦВСЯ ПАРКЫН

Чӧла сулалісны пуяс рытъя паркын,
Быттьӧ олӧм помлань воӧм пӧрысь йӧз.
Найӧс надзӧникӧн лымйыс тӧбис-гартіс —
Дзорлун рӧма, абу еджыд, абу лӧз.

Найӧ водзвыв быттьӧ лӧсьӧдчисны туйӧ:
Сӧстӧм паськӧм, лӧньӧм мыгӧръяс — и тӧв.
Эз и тӧдлыны, кыдз пӧрысьлуныс суис,
Зыка-шума олӧм бӧрын пуксис чӧв.

И ме кӧсйи налы пӧся мыйкӧ шуны,
Но эз лэпты тайӧс вӧчны падмӧм лов.
Здук-мӧд кежлӧ тӧвся паркын менам вунлі:
Тайӧ — пуяс, абу йӧз, и кыв оз ков.

Кывъяс важӧн нин оз ковны — кадыс лэбис,
Важӧн «муналісны» бабъяс — корис Ен.
А ме, гашкӧ, коркӧ ӧти югыд лунӧ
Став бур кывсӧ налы шуа. Сӧмын сэн.